讀本地報紙Ottawa Citizen，新聞系女學生Laura Nicholson寫出她對9年前一單警察夫轟斃妻後吞槍自盡新聞的看法，因為，那位報紙形容為「兩面人格」、「control freak」、「視妻子為財產」的警察，是她爸爸。
加國媒體與香港的報道手法類似，由現場圖片、專家分析兇手心態、鄰居街坊意見及喪禮詳情等均鉅細無遺地報道，Laura Nicholson的爸爸雖一手令她成為孤兒，但她更痛恨當年很多完全不考慮受害家庭心理的報道。
她將要當記者，她說絕對會引以為鑑，希望搵料前不要求其聽信順口開河的街坊看法，希望在刊登相片前多考慮苦主的感受，也不可一口咬定兇手定是變態壞人。
我想起自己工作時，也曾問過很多明知故問的stupid question，或是觸及別人傷痛的問題，有些是自己沒有深思熟慮就脫口而出的，也有些是明知hurt到人，但因為是報道關鍵 (至少當時形為如是)，而最後以「工作需要，希望你唔好介意」作開脫；當然，也試過道德至上忍口不問，結果被上司反問點解你唔問，或者訓示凡事問左先，最多唔登出來之類。
全球新聞界的生態，當然不單是我個人或我上司可以改變。我相信Laura Nicholson投身新聞界後，也會明白有些報道，是沒有辦法不在傷口上灑鹽的。不過，希望大家看過後共勉之，做人但求有同理心，過得自己過得人，儘量吧。
那真是年少多好呀，初入行，就可以咩都唔識，但現在冇得扮無知，扮無感覺，扮話係工作需要，因為個心真係會好難受。記得果單旺角警署強姦少女，那天間間都去訪問個少女父母，我有地址但死都唔去。第二日睇友報，真係嬲到想喊，堅唔開心左成日，點解一對父母可由個女係房度發呆，而自己就係個廳度同d記者講個女點可憐點慘，點解要咁對自己個女？可唔可以收聲？我真係唔明。而行家所做的，我無資格過，只係有d野唔係話唔登個女仔個樣出來、唔公開佢身份，就可以保護到個女仔。總之，陰質野，都想盡力避免。
ReplyDelete死者家屬都真係好難問出口，問人地︰「你而家心情點﹖」其實都真係為左攞句quote.....
ReplyDelete如果你真有這樣的想法, 歡迎你加入副刊記者行列。
ReplyDelete專題、旅遊、綠色版面、親子, 甚至飲食, 其實都有很多有意義的寫作空間~~
多口一問，如果沒有相關經驗，副刊會不會考慮﹖
ReplyDelete會~
ReplyDelete副刊其實比較看重個性, 我同事都是五湖四海畢業的, 中文系, 心理學系, 社會學系, 連讀電腦的都有, 當然, 都好多讀新聞0既
而且你做開news已經算經驗啦, 我都有同事之前做港聞做外電的