過年的感覺還真是入了血裡

蘿蔔又大又靚。係命運，命運催使我整一底蘿蔔糕。

雖然布斯韋利士對中式酒樓點心的感覺很一般，對我煮的中菜反應也很一般，但是既然命運讓我遇上又大又新鮮的蘿蔔，賦予我整底糕的責任，好吧。反正我一個人食一底，也是義無反顧的。

只要不對材料質素抱有太大要求，粘米粉、蝦米、膶腸、蔥、冬菇都不難找到。說到底，街頭巷尾的蘿蔔糕咪又係材料欠奉，粉多過蘿蔔；我們還不是又甜醬又辣椒油的三扒兩撥吃下肚。

在香港過年，多數由得父母為新年花心思。在外頭本可以清清靜靜的，要吃蘿蔔糕也可以買得到，卻自找煩惱整起糕來，還盤算要趕及年初一前打掃好房子；結果這個年三十晚過得挺忙，但就很享受這種唔知為咩咁趕的感覺，還有那底糕的滋味。

客觀是否好吃還是其次，再沒有「下！第五餐啦，又係蘿蔔糕同芋頭糕！」的埋怨，就真的認真嘆起每一啖來。

講係咁講，咁事實上梗係好味啦...

晚餐前向布斯韋利士進行心理輔導：蘿蔔糕係新年應節野，我估你就唔會好鍾意食啦，你知啦，呢啲嘢係食感情多過食味道家嘛。我係咁意切小小你試下，唔鍾意就自己食多士啦。（多士是他的人生夥伴）

踩幾腳先果然見效：都幾好食呀。

最後仲添食，冇食到多士。

成功！